Fakte të reja rrëqethëse po dalin në dritë për vdekjen e dy vjeçares Danka Iliç në Serbi, gjurmët e së cilës u humbën dhjetë ditë më parë dhe u gjet e vdekur të enjten.

Fëmija, i njohur si “vajza me biberon”, u zhduk nga oborri i shtëpisë së tij, kur nëna e tij e la vetëm për disa minuta.

“Kur u ktheva, ajo ishte larguar”, tha nëna e fëmijës për mediat serbe disa ditë pasi ajo u zhduk.

Më në fund u konfirmua frika më e keqe, pasi vajza e vogël u gjet e vdekur.

Për vdekjen e fëmijës janë arrestuar dy persona që punonin në ujësjellës, të cilët kanë rrëfyer se kanë goditur fëmijën me makinën e tyre, më pas e kanë vendosur trupin e pajetë në bagazh, së bashku me mjetet e punës dhe në fund kanë fshehur trupin.

Pasi kontrolluan makinën, autoritetet gjetën njolla gjaku dhe pas analizave të ADN-së zbuluan se ato i përkasin vogëlushes fatkeqe.

Vlen të theksohet se babai i Dankës, teksa kërkonte fëmijën e tij, ndaloi autorët, të cilët pretendonin se nuk e kishin parë.

Pak më vonë, autorët e kanë hedhur trupin në një vendgrumbullim, ndërsa njëri prej të dyve ka pretenduar se ishte i interesuar për zhdukjen e vogëlushes duke marrë pjesë në kërkimin e saj. /vizionplus.tv