Ministri i Mbrojtjes në Kosovë, Armend Mehaj, ka dhënë dorëheqjen nga detyra. Ai pritet të zëvendësohet nga koloneli i forcës së sigurisë së Kosovës, Ejup Maqedonci. Këtë e ka konfirmuar vetëm Maqedonci për mediat kosovare.

Ende nuk dihet nëse ish-ministri do të marrë ndonjë detyrë tjerë apo do të kthehet në vendin ku ka jetuar e punuar  prej vitesh, në Norvegji. Arsyet e dorëheqjes së tij nuk janë bërë të ditura, por dyshohet se ka qenë qëndrimi i tij kundër Albin Kurtit në lidhje me situatën në veri.

Vete kryeministri Albin Kurti ka thënë për mediat kosovare se arsyet e largimit të Mehajt ishin familjare. Mehaj është  emëruar si ministër i mbrojtjes në vitin 2021 kur ‘Qeveria Kurti 2’ sapo kishte filluar mandatin. Ndërkohë  mediat kanë ngritur dyshime  për ndryshime të tjera në qeveri, por gjithçka mbetet për tu parë në vijim.