Në 41 shkolla fillore në Mal të Zi ka pasur raportime për sulme me bombë.

Lajmi u konfirmua nga zëdhënësi i Ministrisë së Arsimit, Bojan Knezevic. Procesi mësimor është ndërprerë në të gjitha shkollat ​​për shkak të panikut të krijuar.

“Në territorin e shkollës janë vendosur shumë bomba. Ne gjithmonë kemi ëndërruar për hakmarrje. Do marrim hak, do vijmë në shkollë. Ne do të vrasim këdo. Askush nuk do të mbetet gjallë. I gjithë qyteti do të rrjedh gjak”, është mesazhi që kanë marrë një numër i madh shkollash fillore në Mal të Zi.

Forcat policore ndodhen nëpër shkolla dhe po kryejnë kontrolle.