Vajza e kreut të Prtisë Republikane Serbe Nikola Sanduloviç, Klara, është ndaluar nga policia serbe në pikën kufitare të Merdares këtë të shtunë vetëm pse ka kryer homazhe në kompleksin memorial “Adem Jashari” në prekaz.

Ka qenë vetë politikani serb i cili ka thënë se vajzës së tij nuk i është lejuar kthimi në Serbi vetëm pse kreu homazhe në Prekaz.

Në një postim në rrjetin social “X”, Sanduloviç ka shkruar se vajza e tij po persekutohet nga regjimi dictatorial i presidentit serb, Aleksandar Vuçiç.

“Regjimi diktatorial i Aleksandar Vuçiçit vazhdon ta persekutojë vajzën time, Klarën. Policia po e mban atë dhe zyrtarët e Partisë Republikane në pikëkalimin kufitar të Merdarit dhe nuk po i lejojnë të hyjnë në Serbi”, ka shkruar ai.