Grabitja, që tronditi Greqinë disa ditë më parë, vijon të jetë “e veshur” nga një hije misteri. Mediat greke thonë se pavarësisht kontrolleve të imtësishme, detaji që mund të zgjidhë shumë gjëra nuk është zbuluar ende.

Për vjedhjen që përfundoi me vrasjen mizore të 20-vjeçares pranë foshnjes së saj, grupi hetimor nuk ka gjetur asnjë gjurmë të grabitësve në shtëpi.

Ata nuk kanë lënë asnjë shenjë nga momenti kur kanë hyrë dhe kur kanë dalë nga shtëpia. Për këtë arsye efektivët do të analizojnë nga e para thirrjet telefonike para dhe pas vrasjes, me shpresën se do të gjejnë diçka që ndihmon në zbardhjen e ngjarjes së rëndë.

Në të njëjtën kohë, po bëhet një krahasim midis grabitjes së përgjakshme dhe 10 rasteve të tjera të ngjashme që kanë ndodhur muajt e fundit në Atikë .

Ajo që është gjithashtu shqetësuese, sipas avokatëve që kanë trajtuar raste të tilla, është se dëshmia e njërës prej viktimave, bashkëshorti i 20-vjeçares që u mbyt, nuk ka nxjerrë asgjë të re në pah.

Ndërkohë, 33-vjeçari mori vendimin t’u larguar nga shtëpia në Glyka Nera, ku gruaja e tij u vra barbarisht.