NATO do të angazhohet për të siguruar stabilitetin në Ballkanin Perëndimor. Kështu është shprehur sekretari i Përgjithshëm i NATO-s, Jens Stoltenberg në një intervistë për një gazetë malazeze. Ai ka nënvizuar se tensionet në Kosovë edhe në Bosnjë e Hercegovinë janë shtuar pas një sërë faktorësh, përfshirë edhe aktorë të huaj që punojnë për ta minuar progresin.

JENS STOLTENBERG

SEKRETAR I PËRGJITHSHËM I NATO-S

Advertisement

 

“Ballkani Perëndimor ka bërë një rrugë të gjatë që nga konflikti i viteve 1990, por kohët e fundit kemi parë rritje të tensioneve si në Kosovë ashtu edhe në Bosnjë e Hercegovinë, me retorikë më agresive, reforma të ngecura dhe aktorë të huaj që punojnë për ta minuar progresin. NATO do të vazhdojë ta promovojë stabilitetin, sigurinë dhe bashkëpunimin në rajon, duke përfshirë punën e përditshme të misionit tonë të KFOR-it të mandatuar nga OKB-ja në Kosovë dhe zyrave tona në Sarajevë dhe Beograd.”

Duke komentuar zhvillimet e fundit të Republikës Sërpska për shpërbërjen e shtetit, Stoltenberg tha se Alenaca ka mekanizma të ndryshëm për të parandaluar tensionet.

“Çdo përpjekje për t’i dobësuar institucionet e nivelit shtetëror vetëm sa do ta minojë sigurinë e Bosnjë e Hercegovinës .NATO është forumi i vetëm transatlantik për konsultime dhe vendime për të gjitha çështjet që prekin sigurinë tonë të përbashkët.  Menaxhimi i krizës është dhe do të jetë një nga detyrat tona themelore. Siguria dhe stabiliteti në Ballkanin Perëndimor janë të rëndësishme për NATO-n.”

Sekretari i Përgjithshëm i NATO-s iu bëri thirrje udhëheqësve të Ballkanit Perendimor të tregojnë përkushtimin e tyre për reformat në mënyrë që të ruhet stabiliteti.