Pasi shpalli “non grata”, ish-presidentin Sali Berisha, Departamenti Amerikan i Shtetit vendos nën “darën” e tij edhe katër ish-zyrtarë bullgarë si dhe një tjetër ende në detyrë.

Alexander Manolev, Petar Haralampiev, Krasimir Tomov Delyan Slavchev Peevski, si dhe Ilko Dimitrov Zhelyazkov, janë shpallur të padëshirueshëm bashkë me familjarët e tyre, nën akuzën për përfshirje në korrupsion.

“Në postet e tyre si zëvendës ministër i ekonomisë, drejtor i agjencisë shtetërore për bullgarët jashtë vendit dhe kryesekretar i agjencisë shtetërore për bullgarët jashtë vendit, ish zyrtarët kanë qënë të përfshirë në akte korruptive që minonin shtetin e së drejtës dhe besimin e publikut në institucionet demokratike”, thuhet në njoftimin e DASH.