Duke filluar nga kjo e premte, Greqia do të heqë shumicën e masave kufizuese kundër COVID. Tashmë qytetarët kanë mundësi që të qarkullojnë duke mos respektuar orën policore. Me heqjen e masave, Greqia fillon sezonin e saj të turizmit.

“Ne lëmë pas retë e errëta të frikës dhe pasigurisë”, tha ministri i Turizmit, Harry Theoharis, duke shtuar se turizmi do të sjellë një rritje të të ardhurave shumë të nevojshme pas një sezoni të mjerueshëm vitin e kaluar.

“Ne po shpresojmë për një sezon të mire. Uroj që njerëzit të zgjedhin vendin dhe ishujt tonë”, tha një sipërmarrës.

Sipas qeverisë, kushdo që udhëton në ishujt grekë duhet të tregojë një certifikatë vaksinimi ose një rezultat negativ të testit Covid-19.