Pas arritjes se marrveshjes mes Kosoves dhe Serbisë ne Ohër të Maqedonisë së Veriut i menjëhershëm ka qënë reagimi i faktorit ndërkombëtar.
Zyrtarë të lartë amerikanë kanë përshëndetur dakordesiminmbi aneksin e marrëveshjes për normalizim të marrëdhënieve mes dy vendeve.Adrienne Watson, zëdhënëse e Këshillit të Sigurisë Kombëtare të Shtëpisë së Bardhë, ka thënë se Uashingtoni mirëpret marrëveshjen e lehtësuar nga BE-ja.
“Ne u bëjmë thirrje të dyja palëve që të fillojnë zbatimin e detyrimeve të tyre sa më shpejt të jetë e mundur”.
Një marrëveshje të rëndësishme e ka konsideruar edhe ambasadori amerikan në Kosovë, Jeffrey Hovenier.
“Shtetet e Bashkuara do të ofrojnë mbështetje të plotë për zbatimin e këtyre obligimeve, në përputhje me përpjekjet tona afatgjata për të avancuar sigurinë dhe stabilitetin për popullin e Kosovës dhe rajonit”.
Raportuesja për Kosovën në Parlamentin Evropian Viola von Cramon, , e ka quajtur lajm pozitiv pajtimi për Aneksin e Marrëveshjes. Përmes një postimi në Tëitter, Von Vramon ka apeluar qe te nise zbatimi sa me shpejte.
“Është vërtetë lajm i mirë. Po shikoj me padurim të marrë më tepër detaje për këtë. Vërtetë shpresoj që të shoh zbatim të shpejtë”.
Nderkohe kryeministri i Maqedonisë së Veriut, Dimitar Kovaçevski si mikpritesi I takimit mes paleve ka nenvizuar se dialogu I hapur mes Kosovës dhe Serbisë është e vetmja zgjidhje për stabilitet në rajon.