minibus hire leeds minibus hire Scarborough local minibus hire lajmet e fundit national minibus hire struga lajm lajme ssl web hosting struga Ekspres Bota

Shqiptarët shkuan në Stamboll për turizëm, por u dogjën në autobuz/ Ministri bullgar: Nuk tregoj dot se çfarë pashë

0
Shqiptarët shkuan në Stamboll për turizëm, por u dogjën në autobuz/ Ministri bullgar: Nuk tregoj dot se çfarë pashë

Kryeministri i Maqedonisë së Veriut, Zoran Zaev së bashku me ministrin e jashtëm, Bujar Osmani dhe ministrin e Shëndetësisë, Venko Filipçe mbërritën në Sofje.

Ata kanë takuar personat e mbijetuar dhe janë në kontakt me autoritetet bullgare për të zbuluar shkaqet e aksidentit të tmerrshëm.

 

Advertisement

ZORAN ZAEV

KRYEMINISTER, MAQEDONI E VERIUT

“Pata mundësinë të bisedoja me një nga të mbijetuarit. Ai shpjegoi se ata ishin duke fjetur në autobus kur u dëgjua një shpërthim i fortë. Ata kanë mundur të thyejnë njërin nga xhamat dhe të shpëtojnë disa persona. Fatkeqësisht, të tjerët nuk ia dolën. Është një tragjedi e tmerrshme. 12 prej viktimave janë fëmijë ndërsa pjesa më e madhe, të rinj të moshës 20 deri 30 vjeç.”

Advertisement

 

Ministri i Punëve të Jashtme, Bujar Osmani konfirmoi se shumica e viktimave janë nga Shkupi, ata po ktheheshin nga Turqia ku kishin shkuar për një vizitë treditore në Stamboll.

BUJAR OSMANI

Advertisement

MINISTER I PUNEVE TE JASHTME

“Sipas të dhënave të para që kam, bëhet fjalë për një agjenci turistike nga Shkupi, dhe shumica e viktimave janë nga Shkupi. Në mesin e tyre ka më shumë se dhjetë fëmijë, por kishte edhe shumë të rinj të tjerë që kishin shfrytëzuar pushimin e zgjatur, pasi të hënën ishte ditë feste”.

 

Advertisement

Ministri i Brendshëm i Bullgarisë, Boyko Rashkov e përshkruan kështu vendngjarjen.

BOYKO RASHKOV

MINISTER I BRENDSHEM, BULLGARI

Advertisement

“Pamjet janë rrëqethëse. Detajet e tragjedisë po hetohen. Është e vështirë të shohësh atje, shumë e vështirë. Nuk e di nëse duhet të tregojmë detajet në këtë moment. Nuk kisha parë asnjëherë diçka të ngjashme. Njerëzit janë kthyer në hi”.

 

Sipas mediave bullgare, po merret në konsideratë mundësia e plasjes së njërës prej gomave dhe përplasjes së autobusit me një barrierë ndarëse para shpërthimit të zjarrit. Megjithatë ka dëshmitarë që thonë se kanë parë autobusin në ecje në flakë.

Advertisement

Zyrtarët më të lartë të Brukselit kanë shprehur ngushëllimet e tyre ndërsa theksojnë se Bashkimi Evropian është i gatshëm të ofrojë mbështetje në çdo mënyrë që është e mundur.

Share.

Comments are closed.

Copyright © 2021 StrugaLajme.com | Privacy policy

Struga Lajme | Lajmet nga Kosova