Sulmet ndaj uniformave blu të Kosovës në veri të vendit janë rikthyer sërish. Zyrtarët e policisë në Mitrovicën e Veriut janë sulmuar gjatë natës me lëndë plasëse nga një person i paidentifikuar.
“Me datë 02.04.2023 rreth orës 02:20, gjatë natës, në rrugën “Ivo Llola Ribar”, tek Qendra e kontrollimit teknik të automjeteve, në drejtim të zyrtarëve policor që ndodheshin në detyrë zyrtare (njësia në pikë statike), nga persona deri tani të panjohur është hedhur një mjet i dyshuar shpërthyes. Njësitet kompetente policore dhe krim teknika kanë dal në vendin e ngjarjes dhe kanë kryer procedurat e nevojshme të vend shikimit.”, thuhet në njoftim.
Nga ana tjetër ditët e fundit është raportuar për automjete me targa të Kosovës të cilëve iu është vënë flaka në Veri të Kosovës. Tensionet u shtuan sërish pas takimit të Kurtit dhe Vuçiç në Ohër.