minibus hire leeds minibus hire Scarborough local minibus hire lajmet e fundit national minibus hire struga lajm lajme ssl web hosting struga Ekspres Shqiperia

Sveçla publikon pamjet, momenti ku shfaqet nënkryetari i Listës Serbe gjatë sulmit në veri

0
Sveçla publikon pamjet, momenti ku shfaqet nënkryetari i Listës Serbe gjatë sulmit në veri

Ministri i Punëve të Brendshme i Kosovës, Xhelal Sveçla, e ka publikuar një video në rrjetet sociale të martën, në të cilën, sipas tij, shihet nënkryetari i Listës Serbe, Millan Radoiçiqi, gjatë sulmit kundër Policisë së Kosovës në veri të vendit më 24 shtator.

 

“Ky në pamjet më poshtë është Milan Radojçiq, nënkryetar i Listës Serbe, po ashtu pjesë edhe e Listës së Zezë të ShBA-së dhe Mbretërisë së Bashkuar”, shkroi Sveçla në përshkrimin e videos në Facebook.

 

Advertisement

 

Më 24 shtator, në orët e hershme të mëngjesit, Policia e Kosovës u sulmua nga një grup personash të maskuar dhe të armatosur derisa po shkonte për ta hetuar bllokimin e një rrugë nga dy kamionë pa targa në fshatin Banjskë të Zveçanit.

 

Si pasojë, u vra polici i Kosovës Afrim Bunjaku, ndërsa disa policë të tjerë u plagosën. Gjatë shkëmbimit të zjarrit, policia i vrau tre sulmues të nacionalitetit serbë, ndërsa i arrestoi tetë të tjerë.

Advertisement

 

Radoiçiq – nënkryetar i partisë më të madhe të serbëve në Kosovë që ka mbështetjen e Beogradit – kërkohet nga autoritetet e Kosovës dhe është gjithashtu në listën e zezë të SHBA-së për “përfshirje në krimin e organizuar ndërkombëtar”.

 

Ai kërkohet nga Kosova nën dyshimet se është përfshirë në frikësimin e dëshmitarëve në rastin gjyqësor, të njohur si “Brezovica”.

Advertisement

 

Radio Evropa e Lirë ka tentuar ta kontaktojë Listën Serbe, por deri tani nuk ka marrë ndonjë përgjigje.

 

As presidenti i Serbisë, Aleksandar Vuçiq, e as Lista Serbë nuk kanë komentuar rreth akuzave të ministrit Sveçla, i cili tha dje gjatë një konference për media se Radojçiqi “është përgjegjës për sulmin në veri”.

Advertisement

 

Sveçla i përsëriti akuzat edhe të martën, duke thënë se “kryekrimineli Radojçiq ka qenë udhëheqës i këtij grupi terrorist dhe i sulmit… Kjo është edhe një dëshmi tjetër mbi veprimtarinë e tij terroriste ndaj Republikës së Kosovës. Nënkryetari i Listës Serbe është prijës i sulmit terrorist dhe grupit të terroristëve”./REL/

Share.

Comments are closed.

Copyright © 2021 StrugaLajme.com | Privacy policy

Struga Lajme | Lajmet nga Kosova | Lajmet e fundit