Një dyqan në Mitrovicë ra pre e një grabitjeje me armë zjarri.

Autorët, të maskuar, qëlluan drejt pronarit të dyqanit, i cili iu bëri rezistencë. Nga plagët e marra, pronari nuk arriti të mbijetonte, duke ndërruar jetë në spital. Ngjarja ka ndodhur në rrugën “Mbretëresha Teutë”.

Policia bëri të mundur arrestimin në kohë të dy autorëve të dyshuar të ngjarjes.

“Nga hetimet fillestare bëhet e ditur se dy persona të dyshuar e të maskuar nën kërcënimin e armës kanë tentuar të grabitin viktimën i cili ndodhej në dyqanin e tij, si pasojë e të shtënave nga të dyshuarit në drejtim të viktimes, viktima ka mbetur i plagosur. Lidhur me rastin janë ndërmarrë veprime të shpejta policore, janë identifikuar dhe arrestuar dy persona të dyshuar si dhe është sekuestruar një armë”, thuhet në njoftimin e policisë.