Këngëtari nga Kosova, Neki Emra është ndaluar dhe ndëshkuar me gjobë nga policia, pasi po përdorte telefonin teksa drejtonte automjetin.

I revoltuar, Emra ka reaguar përmes një postimi në “Facebook”, ku tha se gjatë udhëtimeve të tij në shumë shtete të botës ka vepruar po njësoj, por nuk është gjobitur. Ai shpjegoi se në atë moment, po e përdorte telefonin për të hapur aplikacionin – google maps.

“Dje policia më dënoi për përdorim të navigacionit në telefon (google maps). Kam shëtit Amerikën, Evropën, Anglinë e shumë e shumë vende nëpër botë. Taxi, Uber, Lyft e njerëzit e njofshëm që më kanë vozitur, duke më përfshirë edhe mua që kam vozitur gjysmën e Evropës, kanë përdorur google maps në telefon për adresa dhe orientim. Oj Kosovë o nana ime”, shkruan këngëtari.