Policia e Kosovës ka pezulluar përkohësisht dy zyrtarë policorë, pasi dyshohet janë përfshirë në aktivitete dhe komente politike gjatë fushatës parazgjedhore-balotazhi 2021.

Njëri prej tyre punonjës në departamentin e hetimeve, ndërsa tjetri në atë të kufirit.

“Policia e Kosovës, do të vazhdojë angazhimet e saja në realizimin e detyrave dhe autorizimeve ligjore, duke qenë profesionale në shërbim të vendit dhe të gjithë qytetarëve pa dallime, andaj nuk do të tolerojë përfshirjen e asnjë punonjësi në aktivitete apo veprime që bien në kundërshtim me dispozitat ligjore dhe udhëzimet administrative të PK-së”, thuhet në njoftimin e policisë.