Komisioneri Evropian per Zgjerimin Oliver Varheleyi vizitoi sot Kosovën ku u takua me presidenten e vendit Vjosa Osmani.
Në një konferencë të përbashkët për shtyp Varheley i bëri thirrje Prishtiners që të vijoj luftën kundër korrupsionit dhe krimit të organizuar.
“Nëse ka një mesazh të qartë që vjen gjithmonë nga Prishtina dhe Kosova është se eshte shumë e përkushtuar sa i përket përafrimit me BE-në. Keni treguar angazhim në vendosjen e sanksioneve ndaj Rusisë. Diskutuam çështjen e reformave dhe arritjet në gjashtë vitet e fundit. Reformat duhet të jenë të vazhdueshme dhe të zbatueshme, duhet një regjistër i tyre. Mirëpresim angazhimin e qeverisë për përmirësimin e sistemit të drejtësisë, në luftën kundër korrupsionit. Duhet te luftohet krimi i organizuar dhe korrupsioni
Ndërkohë presidentja Osmani deklaroi se Kosova mbetet e përkushtuar për të ecur drejt integrimit në Bashkimin Evropian.
“Kosova vazhdon të qëndrojë përkrahë aleatëve për ta mbrojtur demokracinë e vlerat qe na bashkojnë. Angazhimi ynë për ta forcuar policinë dhe për ta ngritur profesionalizmin janë prioritet për institucionet tona sepse është gjëja më e duhur për qytetarët tanë. Siç e dini pas vonesave të gjata dhe të padrejta nga 1 janari i vitit të ardhshëm Kosova do të jetë më afër BE-së, me liberalizimin e vizave”.
Përsa i përket dialogut mes Prishtinës dhe Beogradit komisioneri evropian nënvizoi se palet duket te zbatojnë marrveshjet per te cilat kane rene dakord.