Bashkimi Evropian vlerëson qëndrimin e kreut të Lëvizjes Vetëvendosje se dialogu me Serbinë do të jetë ndër katër prioritetet e qeverisë së re të Kosovës. Shefi i Zyrës së BE-së në Prishtine, Tomas Szunyog thekson se ndryshimi i dialogut në renditjet e prioriteteve është një shenjë e mirë për të gjithë rajonin.
TOMAS SZUNYOG
SHEFI I ZYRËS SË BE-së NË KOSOVË
Advertisementgoogle_ad_client = "ca-pub-9470492314070355"; google_ad_slot = "5632655076"; google_ad_width = 300; google_ad_height = 250; google_page_url ="http://www.zhaku.net/";“Unë e kuptoj që ka një zhvillim pozitiv në ato deklarata nga të mos qenit aspak prioritet, në të qenurit prioritet numër gjashtë, tani është prioritet i katërt, kështu që unë mendoj se po shohim shenja të mira, pasi dialogu është i rëndësishëm jo vetëm për Kosovën por edhe për të gjithë rajonin.”
Ndërkohë, zyrtarët e Bashkimit Evropian insistojnë se hapja e Ambasadës së Kosovës në Jerusalem nuk është në linjë me politikën e BE-së, raporton Vizion Plus.
“Synimi për të hapur një ambasadë në Jerusalem nuk është në linjë me politikën e BE-së, nuk është në prioritetet e sigurisë së jashtme dhe gjithashtu Bashkimi Evropian beson që nuk përputhet me angazhimet e tjera ndërkombëtare të Kosovës. Po ashtu nuk është në rezolutat e sigurisë së OKB-së dhe natyrisht që mund të krijojë një dilemë të caktuar. Besoj se pasi Kosova të deklarojë qëllimin për t’u integruar në BE, do të ndjekë prioritetet e politikave të jashtme te unionit.”
Kosova është i vetmi vend në rajon qe nuk ka arritur të sigurojë asnjë lloj të vaksinës kundër Covid-19. Por, sipas përfaqësuesit të Brukselit në Prishtinë, dozat e para pritet të mbërrijnë në mars.