Presidenti serb Aleksandar Vuçiq tha sonte se zgjedhjet në Beograd do të shpallen më 2 qershor.

Ai shtoi se të gjitha zgjedhjet tjera lokale në 87 komuna lokale do të organizohen brenda afatit ligjor.

Vuçiq tha se nuk ka pasur presion për shtyrjen e zgjedhjeve, por se dëshiron të veprojë si president i të gjithë qytetarëve dhe jo vetëm si anëtar i Partisë Progresive Serbe (SNS).

Ai thotë se ka dëshirë të qetësojë tensionet, megjithëse i konsideron të pakuptimta arsyet që 28 prilli nuk është një datë e mirë për shkak të festës, por se është e rëndësishme që zgjedhjet të jenë të tilla që të gjithë ta njohin rezultatin.

Ai bëri thirrje që të respektohen rekomandimet e ODIHR-it, veçanërisht në lidhje me edukimin e votuesve dhe grumbullimin në qendrat e votimit. Vuçiq ka bërë të ditur se qeveria e re do të zgjidhet deri më 1 prill.

Vuçiq tha se përfaqësuesit e koalicionit rreth Partisë Progresive Serbe (SNS) do t’i paraqesin atij në ditët në vijim emrin e mandatarit të ardhshëm për përbërjen e qeverisë së re serbe. /vizionplus.tv