Piktori Gazmend Freitag është një mjeshtër profesional i portreteve, të cilat në imtësi shumë të vogla përputhen thuajse tërësisht me origjinalin, transmeton albinfo.ch.
Artisti shqiptar jeton dhe vepron në Austri, por asnjëherë nuk e ka harruar vendlindjen e tij. Ai ishte larguar nga Kosova në vitin 1990.
Portali austriak ”Linztermine” i ka kushtuar një shkrim piktorit të mirënjohur shqiptar Gazmend Freitag dhe ekspozitës së tij të ardhshme.
Më 1 mars 2021 artisti do të vijë me 20 kompozime të reja nga qyteti ku ai jeton.
“Një person i shoqërueshëm dhe kozmopolit, piktori shqiptar Gazmend Freitag vlerëson vendlindjen e tij të adoptuar, qytetin e Linzit. Projekti i tij i fundit LINZI IM është frymëzuar nga arkitektura interesante e qytetit, mirësia e njerëzve dhe peizazhi i bukur përgjatë Danubit. Ekspozita është një deklaratë dashurie për qytetin, i cili është bërë një burim frymëzimi për artistin”, thuhet në artikull.
The post Media austriake e vlerëson piktorin shqiptar Gazmend Freitag appeared first on Albinfo.
