Teknikat kineze përdoren gjerësisht për të trajtuar sëmundje të tilla si nauze, dhimbje, dhimbje koke dhe stres. Shumë skeptikë thonë se kjo metodë është vetëm një efekt placebo. Megjithatë, shumë argumentojnë se kjo metodë trajtimi ka ndryshuar jetën e tyre.

Disa pika në trup janë të lidhura me stresin dhe tensionin. Rekomandohet presioni dhe masazhi i këtyre pikave dhe përsëritja e masazheve nëse është e nevojshme.

Këtu po ju rendisim 5 pikat e presionit që reduktojnë stresin:

Ai Gu

Masazhoni pikën e bashkimit të gishtit të madh dhe treguesit për 4-5 sekonda. Presioni i ushtruar në këtë pikë heq dhimbjet e kokës, dhëmbit si dhe lehtëson dhimbjen e qafës.

Jian Jing

Për të lehtësuar stresin dhe për të reduktuar dhimbjen e kokës, dhëmbëve dhe qafës, shtrydhni muskulin e shpatullës midis dy gishtave dhe masazhoni këtë pikë për 4-5 sekonda.

Tai Chong

Kjo pikë presioni masazhohet për të lehtësuar stresin, për të reduktuar dhimbjen e shpinës, për të ulur presionin e lartë të gjakut, për të lehtësuar dhimbjet menstruale dhe muskulare dhe për të reduktuar pagjumësinë dhe ankthin. Masazhoni pikën dy gishtat mbi kryqëzimin e gishtit të madh të këmbës dhe gishtit tjetër.

Feng Chi

Me gishtin e madh, zbrisni nga kocka e veshit në zverk dhe ushtroni presion deri në pikën ku muskujt e qafës takohen me kokën tuaj. Kjo teknikë e akupresurës rekomandohet për stresin, migrenën, shikimin e paqartë, lodhjen dhe simptomat e gripit ose të ftohjes.

Zu San Li

Masazhi në këtë pikë është i mirë për çrregullimet e sistemit të tretjes, të përzierat, të vjellat, stresin dhe lodhjen.