Sigurisht të bësh dy ose tre gjëra në të njëjtën kohë është e dobishme. Arsyeja është shumë e thjeshtë, kurseni disa minuta që mund t’i përdorni më pas për diçka tjetër më të rëndësishme. Çka nëse ju themi se ka diçka që mund të bëni dhe të përfitoni për trupin tuaj krahas larjes së dhëmbëve?

Çfarë është kjo? Larja e dhëmbëve gjatë qëndrimit në njërën këmbë ka treguar se ka shumë përfitime për plakjen e shëndetshme, duke përfshirë ekuilibrin më të mirë, mendjen më të mprehtë dhe kockat më të forta.

Sa herë që lani dhëmbët tuaj (idealisht dy herë në ditë për higjienë më të mirë orale), zhvendosni peshën tuaj nga të dyja këmbët dhe mbështetuni vetëm në njërën këmbë. Kjo ishte e gjitha! Vetëm sigurohuni që të ndiqni të njëjtin proces për të dyja këmbët tuaja. Praktikisht, në mëngjes bëni ushtrimin duke u mbështetur në këmbën e djathtë dhe në mbrëmje në të majtë.

Kjo ndodh sepse balancimi në njërën këmbë ndihmon në stabilizimin e muskujve.