Një fëmijë u bë viktima e radhës, i cili ka ndërruar jetë si pasojë e infeksionit të Streptokokut të grupit A. Janë tre fëmijët që kanë humbur jetën pasi janë prekur nga ky virus brenda një javë.

Autoritetet shëndetësore, të cilat nuk e bëjnë të ditur moshën e fëmijës, njoftojnë se ai ishte në shkollën “Ealing” në Londrën perëndimore.

Javën e kaluar kanë humbur jetën si pasojë e virusit në fjalë edhe dy fëmijë të tjerë në moshë shkollore, ndërsa kanë bërë thirrje drejtuesve të shkollave që të marrin masa për parandalimin e përhapjes së infeksioneve mes fëmijëve.

Simptomat e Strep A

Streptokoku i grupit A mund të shkaktojë: temperaturë shumë të lartë, infeksion të rëndë në fyt dhe në raste të rralla komplikacione të rënda invazive.

Gjithashtu mund të shkaktojë infeksion lëkure, por që mund të kurohet duke u mjekuar me një regjim antibiotikësh përkatës të lëshuar nga autoritetet shëndetësore.

Si transmetohet

Sipas Sky News, ky virus mund të shpërndahet përmes kollës, teshtimës, apo kontaktit lëkurë më lëkurë.