Humbja e peshës dhe përmirësimi i parametrave metabolikë ishin të ngjashëm me ato të atyre që mund të hanin 24 orë në ditë. Por dieta me 16 orë agjërim nuk ka kundër indikacione dhe është lehtësisht e praktikueshme.

Dieta “agjërimi me ndërprerje” është shumë e suksesshme. Kjo dietë bazohet në kufizimin ditor për 8 orë, ju mund hani nga ora 8 në 16, dhe më pas qëndroni pa ushqim për 16 orë. Qëllimi kryesor është humbja e peshës, por mund të ketë përfitime të tjera, si luftimi i plakjes qelizore.

Eksperimenti kinez

Por një studim i ri, i kryer në Universitetin e Guangzhou në Kinë me 139 njerëz obezë, i ndjekur për një vit dhe i botuar në Neë England Journal of Medicine, vë në pikëpyetje agjërimin me ndërprerje dhe në veçanti dietën e kufizimit për 8-16 orë që mund të ofrojë përfitime të veçanta përsa i përket humbjes së peshës. Në eksperiment, gratë hanin 1200-1500 kalori në ditë dhe burrat 1500-1800. Pjesëmarrësve iu kërkua të fotografonin çdo pjatë të konsumuar dhe të mbanin një ditar ushqimor. Ata gjithashtu monitoroheshin vazhdimisht nga një trajner ushqimi. Gjysma e vullnetarëve ndoqën dietën e kufizimit për orë, gjysma tjetër mund të hante lirshëm, por pa tejkaluar totalin e kalorive të lejuara.

Humbje peshe

Pas një viti, të dy grupet kishin humbur peshë: mesatarisht 8 kilogramë për ata me kufizim orari dhe mesatarisht 6.3 për tjetrin. Një ndryshim jo statistikisht i rëndësishëm. Përmirësimi i parametrave të tjerë, si perimetri i barkut, yndyra e trupit dhe masa e dobët, ishte gjithashtu i ngjashëm (në vlera mesatare) në të dy llojet e dietave. E njëjta gjë vlen edhe për nivelet e glukozës në gjak, rezistencën ndaj insulinës, kolesterolin dhe presionin e gjakut. Shkurtimisht, regjimi 16: 8 (16 orë agjërim, 8 orë ushqim) nuk do të ishte më i dobishëm sesa një reduktim i thjeshtë i marrjes ditore të kalorive. A është vërtet kështu?

Rezultate pak më të mira

“Studimi është i madh dhe i kryer mirë, shpjegon Stefano Erzegovesi, kreu i Qendrës së Çrregullimeve të Ushqimit në Spitalin IRCCS San Raffaele në Milano. Tregon se zgjatja e agjërimit deri në 16 orë nuk bën ndonjë ndryshim as në humbjen e peshës, as në parametrat metabolikë, për sa kohë që duke ngrënë 24 orë në ditë ju ende respektoni një kufizim të rëndësishëm në kalori. Megjithatë, duke parë tabelat e studimit mund të vërehet se në grupin me kufizim orari janë arritur qëllime pak më të mira (humbje peshe mesatarisht 8 kg përkundër 6.3 kg, yndyra e brendshme u ul me 26 cm katror në vend të 21): kjo mund të çojë në hipotezën se, në një punë me një numër më të madh pjesëmarrësish, ndryshimet mund të jenë statistikisht të rëndësishme, në favor të dietës 16: 8.

A është e dobishme anashkalimi i darkës?

“Në bazë është ideja se metabolizmi i sheqernave dhe i insulinës ndjek ritmet tona cirkadiane, kështu që të ngrënit në intervalin 8-16 është gjëja më e mirë. Nëse konsumoni shumë pasdite dhe sidomos në mbrëmje “përplaseni” me rezistencë më të madhe ndaj insulinës kjo ka të bëjë me të gjithë njerëzit, jo vetëm diabetikët dhe gjithashtu vakti i mbrëmjes afër gjumit i bën më pak efiçentë mekanizmat e pastrimit të trurit natën “.

Pse është e suksesshme dieta me 16 orë agjërim ditor?

“Sepse është lehtësisht e praktikueshme, thotë Erzegovesi dhe gjithashtu nuk ka kundërindikacione, përveç në rastin e subjekteve në rritje (fëmijë, adoleshentë, gra shtatzëna dhe gjidhënëse) dhe mbi të gjitha, në rastin e çrregullimeve të të ngrënit, ku është e ppapraktikueshme. Ndër pacientët e mi, gjysma arrin të përmbushë 16 orët e agjërimit pa probleme (nga 4 në 8), gjysma tjetër kërkon të ndahet me një darkë të lehtë. Këto janë dallime subjektive, të cilat duhen dëgjuar dhe respektuar gjithmonë. Në çdo rast, përpara se të filloni një regjim agjërimi me ndërprerje, duhet të kërkoni gjithmonë këshillën e mjekut tuaj”.

Cilat janë përfitimet e dietës “16: 8”?

“Përveç humbjes së peshës dhe përmirësimit të rezistencës ndaj insulinës, gjatë agjërimit ka një rritje të vetëdijes për ndjesitë e brendshme, me një aftësi më të mirë për të perceptuar ndjenjën e urisë dhe ngopjes së vërtetë. Për të vlerësuar efektivitetin e llojit të dietës, parametrat që lidhen me nivelin e energjisë maten së bashku me mjekun: për shembull, nëse ndiheni më pak të lodhur, më pak të uritur dhe mbi të gjitha nëse përmirësohet efikasiteti mendor (vëmendja dhe përqendrimi)”.

Si organizohen vaktet?

“Janë tre: mëngjes, drekë dhe zemër e lehtë. Për mëngjes rekomandoj kos ose kefir të bardhë dhe pa sheqer, drithëra integrale, reçel, fruta të thata (15 gramë), fruta të freskëta (një porcion, që është e barabartë me 150 gram), një lëng i nxehtë (si çaji ose kafeja). Si një alternativë ndaj bukës dhe reçelit, mund të zgjidhni një fetë të thjeshtë keku ose biskota të thata. Dreka duhet të jetë e plotë: një pjatë e parë mundësisht integrale, një pjatë e dytë një ditë në bazë të proteinave bimore, një ditë në bazë të proteinave shtazore, e alternuar, dyfish perime, një porcion korrespondon me 80 g nëse është sallatë jeshile, 250 g për të gjitha perimet e tjera, një porcion frutash. Ata që kanë probleme me fryrjen e barkut me frutat në fund të vaktit, mund t’i hanë në mes të mëngjesit ose në mesditë.

Dhe pasdite?

“Zemra duhet të përfshijë drithëra integrale 80 gramë: mund të jetë bukë, por edhe makarona ose oriz, një porcion me perime dhe një pjesë me fruta të freskëta, plus një me fruta të thata (15 gramë). Gjatë pjesës tjetër të ditës është e mundur të konsumoni pije jo të ëmbla”.

A ka ndonjë formë më të butë agjërimi se 16:8?

“Ata që duan të fillojnë agjërimin me ndërprerje mund të ndjekin, për të paktën dy muaj, llojin 12:12 (12 orë ushqim dhe 12 agjërim, për shembull, mbarimi i darkës në orën 20:00 dhe ngrënia e mëngjesit në 8), dhe më pas kalohet në orën 16:8, kur trupi është “stërvitur” dhe gjithmonë pas konsultimit me mjekun”.