Mijëra të rinj në Britani u zgjuan me dhimbje koke mëngjesin e së premtes, pasi kaluan një natë të gjatë jashtë, duke festuar përfundimin e provimeve dhe tashmë janë gati për të vijuar rrugën e tyre në universitete.

Një nga qytetet me numrin më të lartë të të rinjve që festuan në lokalet e natës ishte Birmingham-i, ku u krijuan edhe radhë të gjatë për t’u futur në lokale.

Ndërsa në mbrëmje entuziazmi ishte tejet i lartë, e kundërta ndodhi në mëngjes. Shumë prej tyre u fotografuan të shtrirë në rrugë, ndërsa të tjerë kërkuan edhe ndihmën e ambulancës pasi e kishin ekzagjeruar me pijen.