Një tigër sulmoi një burrë në Indi, duke e hedhur atë në një gropë të thellë. Ngjarja ka ndodhur në Indi, pas arratisjes së tigrit nga një park natyror.

Momenti kur tigri i hidhet sipër një burri është xhiruar me celular, ndërkohë që shihen njerëz të tjerë duke u larguar me vrap.

Sipas mediave lokale, deri tani tigri ka plagosur dy persona dhe nuk është kapur ende nga autoritetet. Ata po përpiqen ta qetësojnë tigrin, por kanë frikë se shigjeta mund ta egërsojë dhe grabitqari mund të sulmojë njerëz të tjerë.

“Është e lehtë ta qetësosh një tigër kur është brenda një rrethimi, por nuk është e thjeshtë ta bësh këtë kur ai është i lirë. Nëse shigjeta nuk e kap, tigri mund të sulmojë shumë persona të tjerë”, tha një zyrtar i Pyjeve në Indi.