Nga Kreshnik Spahiu
Kjo foto është bërë 35 vite më parë nga dritarja e shtëpisë time kur isha fëmijë. Jam lindur dhe rritur te parku Rinia, por që prej atëhere ka ndryshuar shumë dhe nuk njihet më.
Jam i lumtur që çdo mëngjes zgjohesha me diellin që agonte me rrezet nga mali i Dajtit dhe me pamjen më madhështore në të gjithë Shqipërinë.
Jam krenar për qytetin ku u linda dhe kalova jetën time. Mua më mungon Tirana e dikurshme por sot nuk dua të referohem nostaligjisë sime.
Tashmë Tirana është meteopol i 1 milion shqiptarve dhe jo i 100.000 tironcave autokton.
Sot Tirana prodhon 36 deputetë në parlament dhe ka nxjerr dy kandidat për kryeministra.
Sot Tirana po shndërohet në kryeqendrën e 10 milionë shqiptarve në Ballkan. Rama dhe Basha kanë qenë kryetar të Bashkisë Tiranë.
Të dy kanë qeverisur qytetin tim dhe kryeqyteyin tuaj. Rrallë herë një popull mund të jetë me aq fat sa të zgjedh mes dy personave, kur ata kanë ndjekur të njëjtën udhë.
Kryeqyteti është qeverisur nga Rama dhe Basha.
Votuesit shqiptar e njohin kryeqytetin e Ramës dhe kryeqytetin e Bashës.
Ata njohin veprat dhe dëmet.
Ata njohin ndryshimin dhe të shkuarën.
Ata njohin ngjyrat dhe errësirën.
Ata njohin punën dhe dembelizmin.
Ata njohin Tiranën dje dhe Tiranën sot.
Ata njohin premtimet dhe mashtrimet e tyre për Tiranën.
Mos u lodhni të lexoni programet e tyre për Shqipërinë. Mos lexoni as librin “Kurbani” të Ramës dhe as librin “Minsioni im” të Bashës.
Ju ftoj mos dëgjoni as fjalmimet e fushatës.
Dilni një shëtitje nga Stacioni i Trenit që nuk ekziston dhe deri te Parku i Liqenit. Në 3 km bulevard do gjeni veprat e Ramës dhe Bashës.
Kur të ndaloni te Parku i Tiranës uluni dhe gjykoni.
Do votoni Ramën?
Do votoni Bashën?
Do votoni asnjërin?
Nëse doni të kuptoni si do jetë Shqipëria nesër nga Basha apo Rama, shikoni si e qeverisën Tiranën dje.
Unë e kam bërë zgjedhjen time ……
