Mali i Zi është futur sërish në një krizë politike.

Pasi presidenti Gjukanoviç i dorëzoi kryetares sw kuvendit dokumentin për shkurtimin e mandatit të Kuvendit, gjë e cila çon vendin në zgjedhje të parakohshme, kjo e fundit e ka kthyer atë pas, me argumentin se propozimi nuk është në përputhje me Rregulloren dhe Kushtetutën, ndaj duhet bërë një kërkesë e re.

Ndërkohë partitë të cila tentuan të merrnin mandatin qeverisës, kanë hartuar një deklaratë ku theksohet se presidenti Gjukanoviç shkeli Kushtetutën kur nuk mandatoi Miodrag Lekiqit, kryetarin e partise DEMOS, për formimin e qeverisë.

Fronti Demokratik ka njoftuar se parlamenti i Malit të Zi ka shumicën për të shkarkuar presidentin dhe se do ta bëjë një gjë të tillë.

Kjo parti argumenton se Gjukanoviç jo vetëm ka shkelur Kushtetutën, por edhe ka kërcënuar rendin kushtetues, ndaj është e nevojshme që ndaj tij të ndërmeren mekanizma ligjorë dhe kushtetues. Sipas tyre nuk duhet Gjykata Kushtetuese për të përcaktuar që Gjukanoviç e ka shkelur rëndë ligjin themeltar.

Mediat malazeze shkruajnë se deputetët e Frontit Demokratik, Mali i Zi Demokratik, Ujedinja e Prava Gorës, Lëvizja Qytetare URA, Partia Popullore Socialiste, Lëvizja për Ndryshim dhe CIVIS nënshkruan propozimin për fillimin e procedurës për të përcaktuar nëse presidenti ka shkelur Kushtetutën.