Një person ka humbur jetën nga COvid, gjatë 24 orëve të fundit në Kosovë.

Si rezultat i 1.351 testimeve kanë rezultuar pozitivë 16 qytetarë me COVID-19. Ministria e Shëndetësisë bën me dije se në të gjithë vendin janë 427 raste aktive. Në 24 orë janë shëruar 17 pacientë, duke e çuar numrin e përgjithshëm të të shëruarve në 157.521.

Në 24 orët e fundit janë dhënë 2.137 doza të vaksinës kundër COVID-19. Që nga fillimi i procesit të vaksinimit në Kosovë 1.591.886 qytetarë janë vaksinuar, ku 747.723 prej tyre i kanë marrë të dyja dozat.