Abuzimi seksual me 50-vjeçaren shqiptare nuk ishte i pari për 35-vjeçarin nga Bullgaria, që po kërkohet nga policia greke, pas rastit të regjistruar në Petralona.

Mediat greke kanë zbuluar të shkuarën e tij, duke nxjerrë në dritë një tjetër rast përdhunimi në vitin 2015. Gjashtë vite më parë pre e abuzimit seksual u bë një studente, të cilët bullgari e përdhunoi në banesën e saj. Më pas ai u përpoq ta vriste atë.

Asokohe ai u arrestua nga policia greke, por tani mediat fqinje ngrejnë pikëpyetje si u trajtua ai nga ligji dhe si u lirua nga burgu. 50-vjeçarja shqiptare ishte duke pastruar në një pallat, kur u tërhoq me dhunë në apartment nga bullgari dhe u përdhunua.