Kryeministri Edi Rama ka mbërritur në Beograd, ashtu siç edhe ishte parashikuar në axhendën e tij. Kreu i qeverisë pritet të takohet me presidentin serb, Aleksandër Vuçiç, me të cilin do të ketë edhe një konferencë të përbashkët për median.

Ky takim do të zhvillohet në kuadër të turit që kryeministri Rama po zhvillon në 6 vendet e Ballkanit Perëndimor.

Më herët, Rama vizitoi Bosnje Hercegovinën dhe Malin e Zi, nga ku zhvilloi dhe konferenca të përbashkëta me zyrtarë të lartë që e pritën.

Kryeministri Rama deklaroi se fokusi i Ballkanit Perëndimor duhet të jetë tek Procesi i Berlinit përmes një qëndrimi të unifikuar, si e vetmja formë për të pasur progres në rrugën drejt afrimit me BE.