Kryeministri Edi Rama është takuar me presidentin e Serbisë Aleksandër Vuçiç në Moldavi, aty ku po mbahet samiti i Komunitetit Politik Evropian.

Ka qenë vetë Vuçiç ai i cili ka ndarë disa foto në Instagram, ku shkruan se situata aktuale në veri të Kosovës ka qenë temë e diskutimit.

“Ne në rajon e dimë më së miri se sa e rëndësishme është që bashkërisht të bëjmë çdo përpjekje për të ruajtur paqen dhe stabilitetin e fituar me vështirësi. Diskutuam ngjarjet aktuale dhe hapat e mëtejshëm që do të kontribuonin në gjetjen e një zgjidhjeje për situatën aktuale të vështirë dhe serioze, me shpresën se arsyeja do të mbizotërojë, në të mirë të të gjithëve”, shkruan Vuçiç.