Sekretari i përgjithshëm i NATO-s, Jens Stoltenberg, ka kërkuar nga Kosova dhe Serbia që të punojnë për uljen e tensioneve në very.

Stoltenberg tha para gazetarëve se NATO do të ndërmarrë çdo masë për të ruajtur stabilitetin dhe sigurinë në veri.

 “Forcat tona [të misionit të NATO-s në Kosovë, KFOR] do të vazhdojnë të ndërmarrin të gjitha masat e nevojshme për të ofruar mjedis të sigurt”, tha Stoltenberg për gazetarët në Berlin pas takimit me kancelarin gjerman, Olaf Scholz.

Dialogu është e vetmja zgjidhje për krizën e krijuar, sipas shefit të NATO-s, i cili kërkon nga dy vendet që t’iu kthehen bisedimeve.

Nga ana tjetër, Vuçiç ka refuzuar në mënyrë kategorike takimin e Kurtin, teksa ky i fundit ende nuk ka dhënë një përgjigje përfundimtare.

Bashkimi Europian ftoi dy liderët në një takim në Bruksel për të dialoguar lidhur me shtensionimin e situatës.