Presidenti i Serbisë, Aleksandër Vuçiç, ka takuar sot në Beograd homologun slloven, Borut Pahor. Pas takimit, ai u ndal te deklaratat e kryeministrit Edi Rama dhe Albin Kurtit për bashkimin kombëtar.

Vuçiç theksoi se Brukseli duhet të reagojë menjëherë ndaj deklaratave të tilla. Sipas tij, nëse do të përmendej formimi i Serbisë së madhe, BE-ja do të vepronte menjëherë.

“Po të kishim përmendur një herë formimin e Serbisë së madhe, do të më varnin në Bruksel, por kur përmendet një Shqipëri e madhe, kjo është mirë, vetëm meqë ra fjala.”

Nga ana tjetër, kreu i shtetit slloven deklaroi se vitet e fundit ka një thellim të mosbesimit në rajon dhe se është i befasuar që BE nuk di si t’i përgjigjet kësaj situate.