Të gjithë prindërit përpiqen të jenë të përsosur për fëmijët e tyre. Disa janë të rreptë, disa jo, por të gjithë po bëjnë atë që mendojnë se është e drejtë. Megjithatë, shumë shpesh prindërit harrojnë se cilat janë gjërat më të rëndësishme për fëmijët e tyre.

Bright Side ka mbledhur shenjat kryesore që tregojnë se ju jeni një prind vërtet i mirë.

Fëmija juaj ndan problemet e tij me ju
Është e mrekullueshme kur djali ose vajza juaj ju tregojnë për sukseset dhe arritjet e tyre. Mirëpo,  është shumë më e rëndësishme që ata të jenë në gjendje t’ju tregojnë problemet e tyre. Është e natyrshme të dëshironi t’i tregoni dikujt për problemet tuaja. Dhe ne duam që njerëzit të na mbështesin dhe të na dëgjojnë. Fëmijët duhet të kuptojnë se situata të ndryshme mund të ndodhin dhe se nuk ka asgjë të keqe për të bërë gabime.

Nuk mendoni se notat e mira janë gjithçka
Nëse fëmija juaj ka marrë një notë të keqe në shkollë, ai nuk duhet të ketë frikë t’jua thotë. Fëmijët e frikësuar shpesh fshehin notat e tyre dhe i zë paniku kur mendojnë se prindërit e tyre mund ta marrin vesh. Prindërit e mirë mund t’u shpjegojnë fëmijëve të tyre se është e rëndësishme të jesh i mirë në shkollë, por janë njohuritë që kanë rëndësi, jo notat.

Hapësira private e çdokujt respektohet në familjen tuaj
Shumë prindër mendojnë se fëmijët duhet të trokasin para se të hyjnë në dhomë. Mirëpo, vetë prindërit nuk e ndjekin gjithmonë këtë rregull. Rregullat në familje duhet të jenë të njëjta për të gjithë. Respektoni hapësirën private të fëmijëve tuaj dhe ata do të bëjnë të njëjtën gjë për ju.

Ju nuk e kritikoni fëmijën tuaj
Prindërit e mirë nuk i kritikojnë fëmijët e tyre dhe nuk i quajnë budallenj, të trashë apo dembelë. Këto fjalë i bëjnë fëmijët të pasigurt për një kohë të gjatë, ndoshta edhe përgjithmonë. Zgjidhni me kujdes fjalët që përdorni dhe thoni saktësisht se çfarë ju ka zhgënjyer, por mos i ofendoni fëmijët tuaj.

Ju pranoni gabimet tuaja dhe kërkoni falje
Të gjithë bëjnë gabime: fëmijët dhe të rriturit. Megjithatë, shumica e prindërve harrojnë se jo vetëm që duhet t’i mësojnë fëmijët e tyre të kërkojnë falje, por edhe t’u tregojnë se si ta bëjnë këtë. Nëse e keni kuptuar se keni reaguar tepër dhe nuk duhet të bënit, mos kini turp t’i kërkoni falje fëmijës suaj. Një person që mund të pranojë dobësitë e tij është një person i fortë.

Nuk ua impononi interesat tuaja fëmijëve tuaj
Prindërit e mirë i inkurajojnë fëmijët të zhvillohen dhe i ndihmojnë ata të rriten si njerëz të lumtur që bëjnë atë që u pëlqen.

Ju besoni fjalëve të fëmijëve tuaj
Kjo është një situatë që ndodh shumë shpesh: një nënë ose një baba shkon në shkollë ku mësuesi u thotë se fëmija i tyre është sjellë keq. Një prind i zemëruar nuk përpiqet të zbulojë asnjë detaj për situatën, vjen në shtëpi dhe fillon një skandal. Mirëpo, përpara se të bërtisni, është më mirë të pyesni fëmijën se si e panë situatën. Ndoshta nuk është aspak faji i fëmijës suaj dhe ata në fakt kanë nevojë për ndihmën tuaj për t’u përballur me situatën.