Alvaro Morte, i njohur si profesori i “La Casa de Papel” ka deklaruar se po realizon xhirimet e fundit në setin e serialit që theu rekorde.

Përmes një postimi emocionues në Instagram, Alvaro ka falënderuar fansat dhe skuadrën e Vancouver dhe Netflix.

“Duke xhiruar për herë të fundit në setin e La Casa de Papel. Fjalët janë të pakta. Jam mirënjohës ndaj gjithkujt: fansave të parët sigurisht, dhe gjithë skuadrës së Vancouver dhe Netflix. Edhe ndaj teje, i dashur Profesor.”, shkruan Alvaro.

Pas këtij postimi të gjithë pyesin nëse ky do të jetë sezoni i fundit për serialin apo për Profesorin. Megjithatë Netflix ka bërë me dije se “La Casa de Papel 5” do të jetë një sezon me dhjetë episode dhe do të lançohet në tremujorin e fundit të vitit 2021.